CPI Plurilingüe O Cruce (Cerceda)
Descrición:
O proxecto busca axudar ao alumnado a comprender a importancia do océano e da súa biodiversidade comparando dous ecosistemas mariños: o Atlántico en Galicia e o Mar Negro en Năvodari (Romanía), promovendo a alfabetización oceánica, o coidado da auga e a curiosidade científica a través de investigación, arte e comunicación dixital, fomentando a colaboración intercultural e a responsabilidade na protección da vida mariña.
Obxectivos básicos:
- Promover a alfabetización oceánica
- Concienciar sobre a importancia da conservación da auga e da biodiversidade mariña
- Fomentar a curiosidade científica
- Desenvolver a creatividade e a comunicación
5 puntos chave:
- Desenvolvemento dun proxecto azul → Proxecto interdisciplinar e internacional de investigación, arte e comunicación dixital.
- Implicación do alumnado → 24 alumnos/as de 3º e 2º ESO
- Resultados obtidos → O alumnado adquiriu coñecementos científicos sobre os ecosistemas mariños, desenvolveu habilidades de traballo en equipo e pensamento crítico, mellorou a súa competencia comunicativa e aumentou a súa conciencia ambiental e o seu sentido de responsabilidade cara á protección do medio mariño.
- Colaboración cunha entidade local → Aquarium Finisterrae da Coruña
- Comunicación dos resultados → Elaboráronse carteis, camisetas e materiais dixitais, realizáronse exposicións no centro educativo e compartíronse os resultados a través da web e das redes do centro, favorecendo a difusión á comunidade educativa.
Contacto:
cpi.cruce@edu.xunta.gal
